香港男仔同外國男仔差太遠！外國人好有風度好體貼又有主見；香港男人淨係講「主見」已經輸哂！

近排網上有位自稱喺澳洲讀咗4年書嘅絲打喺討論區開po大呻，話自己同慣外國人拍拖，接受唔番香港男仔。絲打話之後因為要返香港工作，因為遠距離愛情所以最後要澳洲男友分手，佢都自稱話喺香港不乏追求者，不過完全睇唔上眼，「返香港公司，但一直都搵唔到男朋友，有幾個人追我，但我都冇接受，原因係香港男仔同外國男仔差太遠。」

以前去澳洲讀書，讀四年書，三個男朋友都係外國人，佢地都好有風度好體貼，又有主見，所有dating都交俾佢地諗。

後來我畢業番黎香港，Long D搞到同男朋友散左，而家係香港定居，番香港公司，但一直都搵唔到男朋友，有幾個人追我，但我都冇接受，原因係香港男仔同外國男仔差太遠。

唔講其他野，只係講」主見」已經輸哂，果幾個男仔都問我聖誕節得唔得閒，我話ok，之後佢地竟然問我: 「你想去邊?」 ，明明你地約人，點解要我諗番轉頭?

讚洋人不是問題，但絲打卻以讚洋人踩港男，「唔講其他嘢，只係講主見已經輸哂，果幾個男仔都問我聖誕節得唔得閒，我話ok，之後佢哋竟然問我: 『你想去邊?』 ，明明你哋約人，點解要我諗番轉頭?」網友們當然都係幫港男們平反啦，有人話絲打「根本係歧視」、「崇洋的港女」；亦都有人話「問樓主意見咋，同無主見兩回事吧」、仲叫絲打番去搵外國人喎。其實一句「你想去邊」，解讀成「冇主見」定係「尊重你意見」，睇你點睇囉！