「亞視味」濃又點?吹得過佢地好演技 – 脫胎換骨TVB花旦

683

有唔少亞洲電視出道既藝人已經過檔左大台TVB幾年啦~雖然間唔時畀網民笑身上仲有一陣「亞視味」,不過憑住佢地出色既演技,有「亞視味」都無咩問題!

江美儀

由亞視過檔TVB既代表就一定要數江美儀,係1997年畀星探發掘做model後加入亞視,參演過《肥貓正傳》系列、《影城大亨》等亞視劇集;2012年江美儀轉投無綫,隨著參演愈黎愈多劇集而更多人熟悉。特別係劇集《名媛望族》入面飾演三姨太,其中一場戲係著黑絲挑逗劉松仁既情節,引起極高討論度!甚至令到佢有「黑絲儀」既稱號。唔單止呢場戲留左深刻引象畀觀眾,同馬明係《衝上雲霄II》既激烈床戲亦都非常矚目!

《名媛望族》片段

《衝上雲霄II》片段

萬綺雯

萬綺雯係1989年既亞姐亞軍,被人捧為一線花旦之後都曾參與左好多亞視高收視劇集,當中最為人熟悉既都係《我和殭屍有個約會》中既「馬小玲」。呢部劇為佢帶黎好多人氣同名利之外,亦令佢認識左編劇陳十三,當時兩個人只係拍左4日拖就決定結婚,4個月後更註冊結埋婚,認真令人羨慕!無奈亞視虧損連連,最後佢唯有轉投無綫,2013年亦憑住首部作品《老表,你好嘢!》奪得最受歡迎電視女角色。

ATV《我和殭屍有個約會》

《老表,你好嘢!》

張文慈

張文慈係ATV效力了14年,形象非常「亞視」,參演過ATV唔少經典劇集;2010年開始無同亞視續約既佢轉攻電影界,2016年就開始加入TVB,所拍攝既TVB劇集分別有《老表,畢業喇!》﹑《天命》﹑《宮心計2·深宮計》等等,相信遲D會睇到佢係TVB更多既演出。

《宮心計2深宮計》

田蕊妮

係ATV 工作左11年既田蕊妮於1993年參加《未來偶像爭霸戰》入行加入亞視。係ATV既時候,呀田既妝容都係比較淡同唔係好識打扮。入左TVB之後,呀田演技愈黎愈好,打扮遺都更Fashion更有個人特色,亦都即刻畀人力捧成花旦,憑《巨輪》入面倀雞英一角,係2014年更獲得到視后既寶座,成績相當不錯!

《未來偶像爭霸戰》

2014視后

陳煒

陳煒1996年當選亞洲小姐冠軍,之後係ATV工作了12年,更加係亞視既一線花旦,因此煒哥既「亞視味」特別濃。不過自從入左TVB之後,係幕前出現頻率愈黎愈高,除左係電視劇入面出現,佢亦都有主持過個人煮食節目;譬如最近播出的《深宮計》,陳煒飾演既太平公主非常受歡迎,「亞視味」呢三隻字已經係煒哥身上飄走哂。

1996年亞洲小姐冠軍

《宮心計2深宮計》