次次玩女出事!5位新一代娛樂圈食女專家

1748

娛樂圈生活五光十色,有唔少男星係戲裡都係飾演好男友、老公、好爸爸,不過現實生活中呢⋯⋯
而家馬上為大家盤點一下歷代娛樂圈食女專家!

黃子恆
最近食咗個內地女粉絲,該內地女子爆料自稱曾兩度與Hugo發生性行為,兩人第二次見面便上床,之後更懷孕,腹中BB現已4個月大,黃子恆卻一直玩失蹤。兩年前已經因為介入歌手裕美婚姻而令其形象受損,今次又搞單大野出黎!條友玩女人玩到上晒身,仲要次次都出事!唔知今次會唔會入雪櫃雪藏呢?

鄭俊弘

Fred 2014年認識富家千金Beebs,據知兩人好快就打得火熱,去到見晒家長的地步。一年後的2015年7月31日,兩人為慶祝拍拖一周年,包了七人車去到深圳瑞吉酒店,並book了一間兩層複式房間,不過book房同埋單都係由女友負責。去到凌晨12點,Fred就突然換上禮服手執戒指求婚,Beebs亦當場答應!點知男方居然偷食何雁詩,本來雙方都否認,突然二人又拖住手出來認拍拖(咁理直氣壯?)現時好似雙雙被雪藏。

吳業坤

前幾天森美邀請坤哥上yahoo網上節目《森美搜尋器》,迫問他與各女明星的感情瓜葛,揭發他除了是偽毒,還是一名食家!還要「唔靚唔食」!首先森美先爆一位美女空姐朋友五吋八吋高,樣貌是女神級數都看得上坤哥,讓他終於明白其他人會攻擊坤哥是因為他明明質素不高,卻有女生肯喜歡他。很多人看不過眼,包括森美自己也很憤怒為什麼美女愛上的不是自己。坤哥成日扮出一副「毒丁」形象,傻吓傻吓咁,實情感情生活好亂。依家好多人都話佢係「扮傻扮被動」「偽毒」。

林師傑
出自巨聲幫嘅林師傑有過唔少緋聞女友,而且成日覺得自己好靚仔 = =就連舊愛鄧穎芝都頂佢唔順,暗寸佢多囡囡,真係麻麻哋!

終極人渣:周永恒!
作為人渣,佢連人都唔係!係渣子啊!自認係人渣嘅世紀賤男周永恒(Roy)與趙頌茹(Yu)結婚不過4年,育有兩個女兒,一直在人前表現恩愛,但早年突爆婚外情,事緣阿Yu揭發人渣偷食,小三正是Roy模特兒公司拍檔、港視小花劉依靜(Ruby),同時人渣Roy家暴阿Yu,其後人渣Roy話想同阿Yu復合,但轉過頭又反口話要離婚同爭撫養權;更登阿Yu娘家家門,吐口水用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成,大快人心!之後周永恒又晒新女,仲結埋婚!大家放長雙眼睇佢點⋯⋯